尋找退役巴 - 巴士屋S3N43 (DM9890)

本頁建立日期: 2010年7月15日

(本文轉載自多年前壹週刊的專題報導,謹此致謝。)

粉 嶺 軍 地 有 條 178A 巴 士 線 , 你 搭 過 未 ?

阿 忠 每 日 放 工 都 搭 178A 回 家 。 這 條 線 好 怪 , 搭 客 要 在 中 門 上 落 車 , 摺 門 永 遠 上 鎖 , 上 車 前 還 要 先 除 鞋 ; 上 車 後 不 用 入 錢 , 司 機 位 無 司 機 , 沒 有 人 按 鐘 下 車 … … 等 等 , 香 港 哪 有 條 178 A 巴 士 線 ? 當 然 沒 有 , 因 為 全 港 只 此 一 家 , 阿 忠 的 鬼 馬 巴 士 屋 。

阿 忠 避 免 招 搖 , 巴 士 屋 外 圍 用 膠 布 遮 遮 掩 掩 , 仍 突 出 半 個 車 頭 。 由 於 下 雨 巴 士 滲 水 , 車 頂 加 個 篷 , 隔 熱 又 防 水 。

外 表 與 一 般 巴 士 無 異 的 「 巴 士 屋 」 。

巴 士 屋 外 面 看 , 有 門 有 轆 , 跟 一 部 雙 層 九 巴 無 異 , 打 開 門 , 內 裡 卻 是 五 臟 俱 全 的 安 樂 窩 。只 見 頭 頂 一 排 排 扶 手 , 變 成 掛 衫 的 衣 架 ; 行 李 架 改 成 浴 室 ; 一 列 列 座 椅 闢 作 開 放 式 廚 房 ; 穿 過 迷 彩 樓 梯 走 到 巴 士 上 層 , 車 頭 是 阿 忠 的 打 機 遊 戲 間 ; 車 中 是 客 廳 ; 車 尾 是 阿 忠 兩 公 婆 的 睡 房 。

下 層 走 廊 , 左 邊 有 廁 所 、 廚 房 , 右 邊 擺 放 迷 彩 雪 櫃 飯 桌

睡 房 - 上 層 車 尾 百 呎 空 間 鋪 上 床 褥 寢 具 , 作 為 開 放 式 睡 房

巴 士 上 層 變 成 電 腦 遊 戲 間 。 ( 翟 偉 強 攝 )

卅 六 歲 的 阿 忠 , 最 愛 在 這 部 全 港 唯 一 自 由 吸 煙 的 巴 士 上 , 一 面 歎 煙 , 一 面 呷 檸 茶 , 印 印 腳 。 「 都 市 人 住 的 一 間 屋 就 是 一 間 屋 , 四 面 石 屎 牆 , 無 玩 , 無 特 別 , 電 視 節 目 介 紹 講 優 質 生 活 的 有 錢 佬 , 最 多 買 靚 傢 俬 , 擺 幾 件 有 特 色 擺 設 就 叫 做 生 活 品 味 ? 只 不 過 係 工 廠 啤 出 來 一 式 一 樣 、 市 面 買 得 到 的 製 成 品 , 香 港 有 邊 個 有 錢 佬 住 間 屋 有 特 色 。 」經 常 上 來 巴 士 屋 的 友 人 阿 昇 讚 不 絕 口 : 「 巴 士 屋 感 覺 唔 似 屋 企 咁 侷 促 , 自 由 度 大 , 又 夠 晒 特 色 , 始 終 一 間 屋 點 整 都 係 一 間 屋 , 如 果 我 有 地 方 我 都 想 整 架 巴 士 屋 , 不 過 我 無 阿 忠 呢 類 天 分 , 有 好 多 鬼 主 意 。 」 車 內 一 隅 一 角 , 都 是 阿 忠 親 手 製 造 。 阿 忠 一 有 空 , 便 閒 逛 廢 物 回 收 場 , 別 人 眼 中 的 爛 鐵 、 鋁 片 , 他 撿 回 來 、 鋸 一 鋸 、 噴 噴 油 , 就 變 成 搶 眼 茶 几 、 就 手 CD 架 。

迷 彩 樓 梯

愛 上 DIY , 只 因 家 貧 。 阿 忠 自 小 與 九 名 兄 弟 姊 妹 擠 逼 三 數 百 呎 的 鄉 郊 鐵 皮 屋 , 家 裡 一 桌 一 椅 , 全 是 二 叔 執 木 板 一 鎚 鎚 出 來 。 耳 濡 目 染 下 , 阿 忠 學 懂 自 製 安 樂 窩 , 「 有 一 年 打 風 吹 走 屋 頂 , 阿 爸 過 身 , 全 間 屋 得 我 同 阿 哥 , 當 時 我 讀 緊 小 學 , 都 要 爬 上 屋 頂 用 鐵 皮 整 番 好 屋 頂 , 所 有 工 夫 無 師 自 通 。 」阿 忠 中 三 輟 學 , 做 過 倉 務 員 、 運 輸 跟 車 , 月 入 六 七 千 , 買 樓 租 樓 沒 他 份 兒 , 唯 有 和 當 文 員 的 太 太 住 在 粉 嶺 鐵 皮 屋 。 兩 年 前 , 他 住 厭 了 鐵 皮 屋 , 決 定 要 自 製 一 個 獨 一 無 二 的 安 樂 窩 。 「 我 返 葵 涌 任 職 倉 務 員 , 每 日 返 工 放 工 要 搭 四 程 巴 士 再 駁 小 巴 , 日 日 都 要 追 車 逼 巴 士 , 有 日 我 車 廂 諗 將 架 巴 士 做 屋 都 幾 好 喎 。 」

廚 房 - 開 放 式 廚 房 配 有 抽 氣 扇 抽 油 煙 出 車 外 , 車 尾 最 後 一 排 座 椅 改 用 木 板 椅

九 巴 每 年 有 退 役 巴 士 拍 賣 , 但 訂 金 至 少 二 萬 , 阿 忠 哪 有 錢 跟 人 競 投 , 於 是 花 了 幾 個 月 , 穿 梭 錦 田 車 場 , 終 於 找 到 部 殘 得 不 可 再 殘 的 舊 巴 士 , 但 場 主 開 價 三 萬 五 千 元 。 阿 忠 工 作 廿 年 只 得 萬 多 元 積 蓄 , 他 唯 有 求 太 太 經 濟 支 持 「 我 老 婆 好 大 反 應 , 話 返 工 放 工 搭 巴 士 , 而 家 仲 要 住 巴 士 ? 正 所 謂 男 人 愛 高 達 , 女 人 唔 明 白 , 我 咪 解 釋 俾 佢 知 而 家 住 的 鐵 皮 屋 好 逼 , 有 白 蟻 蛀 , 我 又 無 錢 買 樓 , 有 咩 屋 只 需 幾 萬 蚊 就 有 上 下 兩 層 樓 咁 實 惠 。 而 且 我 將 全 架 巴 士 最 重 要 位 置 司 機 位 , 改 裝 梳 妝 間 俾 佢 專 用 , 而 家 老 婆 日 日 坐 司 機 位 化 妝 , 腳 踏 煞 車 掣 , 幾 過 癮 。 」 掂 老 婆 , 接 著 便 要 大 裝 修 。 「 巴 士 拖 入 村 , 村 民 都 好 奇 怪 問 我 係 咪 拆 零 件 賣 , 我 話 當 古 董 擺 。 」

司 機 位 改 做 太 太 化 妝 間 , 巴 士 錢 箱 拆 掉 , 阿 忠 改 用 收 銀 機 扮

為 避 免 招 搖 , 阿 忠 將 巴 士 停 在 鐵 皮 屋 旁 , 然 後 四 周 圍 上 鐵 欄 , 上 面 加 膠 布 遮 遮 掩 掩 。 「 車 廂 積 了 成 呎 厚 的 塵 , 座 椅 全 部 霉 爛 , 要 拆 百 張 椅 , 用 電 鋸 起 螺 絲 , 再 髹 過 架 車 , 每 日 做 足 朝 七 晚 十 一 , 搞 足 兩 個 月 才 完 工 ; 買 間 二 手 樓 都 唔 使 由 內 至 外 , 每 呎 每 吋 翻 新 。 」屋 內 陳 設 還 可 DIY , 污 水 管 、 糞 渠 、 駁 電 線 就 不 能 不 找 師 傅 幫 忙 。 「 師 傅 見 到 架 巴 士 , 擘 大 口 話 做 了 幾 十 年 工 程 , 今 次 係 一 個 新 挑 戰 。 」

阿 忠 為 省 錢 , 接 駁 車 外 的 五 呎 深 化 糞 池 他 自 行 挖 掘 。 「 個 糞 池 夠 用 十 年 , 想 耐 用 點 , 唔 落 雨 時 我 同 太 太 要 去 番 舊 屋 ( 鐵 皮 屋 ) 的 廁 所 。 」裝 修 三 個 月 , 阿 忠 的 巴 士 屋 終 於 前 年 啟 用 。 十 萬 元 裝 修 費 , 阿 忠 向 親 朋 賒 借 , 還 足 一 年 , 但 他 沒 後 悔 。 「 做 了 三 十 六 年 人 , 讀 書 , 做 , 追 女 仔 未 試 過 咁 投 入 咁 堅 持 , 巴 士 屋 係 我 最 大 成 就 最 滿 足 的 傑 作 。 」

「 而 家 一 得 閒 , 我 就 諗 點 樣 整 靚 間 屋 , 周 圍 去 回 收 場 執 有 用 物 料 做 車 廂 裝 飾 , 我 都 未 將 鍾 意 的 軍 事 擺 設 裝 潢 入 巴 士 , 將 架 巴 士 屋 升 級 。 」 說 說 , 阿 忠 又 發 揮 無 窮 想 像 力 , 「 下 一 步 我 想 買 幾 架 巴 士 做 餐 廳 , 一 架 紅 van 一 架 綠 van 做 男 女 廁 , 紅 男 綠 女 嘛 … … 」 下 一 部 , 地 鐵 ?

阿 忠 最 愛 撿 破 爛 , DIY 家 具 裝 飾 巴 士 屋

2007年7月有線新聞: 退役巴士改裝成巴士屋

駕 駛 室 改 裝 成 化 妝 間 。

後記: 此車編號一直未能確定,搜尋過討論區也無所獲,直至本文貼出後數天,有朋友主動提供相片證實該車為S3N43 DM9890。

回應區:
2013-12-26 7:45:14
現在情況如何?
2011-9-13 14:12:56Jacky
駕 駛 室 改 裝 成 化 妝 間 ???
2011-8-10 16:47:33路過
好得意!我都想買架舊巴士來改裝!