千禧年出牌的Neoplan Centroliner及超級富豪,是九巴第二及第三款金巴,服務市民十數載後,它們都正在陸續退役,小弟想在這裡跟大家分享一些相關的catalogue。

首先是超級富豪及第一代Centroliner的小冊子,是從在會展舉辦的UITP98收集得來,裡面有珍貴的圖紙、規格及底盤圖片。

而我也在網上搜集到歐版Neoplan Centroliner N4426/3的小冊子,所以把第一代港版及歐版的圖紙作出比較,有趣的是,兩者的外貌及尺寸都有著明顯分辨,再次印證Neoplan公司為不同市場作出的彈性,跟平治及MAN的作風有明顯分別。

小弟希望收到拋磚引玉之效,如果大家有更多的珍品,不妨在此分享交流。我也很希望看到其他generation的Centroliner的圖紙。

下載:
港版Centroliner N4026/3
德版Centroliner N4426/3
超級富豪

下圖:港版第一代Neoplan Centroliner N4026/3小冊子封面。

下圖:港版第一代Neoplan Centroliner N4026/3(左)跟歐版N4426/3(右)的比較。

綜合相關討論回覆:

以前岩岩有互聯網,一個email去好易拎。家下資訊發達,加上我知不少巴膠(唔係迷,真係膠)send過好多email去問車廠拎野而用一種老實不客氣態度,有d相熟零件供應商亦同我呻過,漸漸地拎一張圖紙都變得困難。

下圖為歐三船圖紙,仔細欣賞後,先發現原來AP下層驅動軸上嘅座椅,門位比梯位為高,坐左咁多年都冇留意過。另外,上層地台近車尾亦有稍微傾斜,不過幅度冇第一代嘅劇院式佈局咁明顯。此外,頭尾跨嘅長度、軸距都跟第一代及歐版有所不同。有趣。

歐版係雙梯,而且頭輪上方有座位,跟AMN一樣,所以頭跨比香港的長。尾樓梯好直,十分慳位,但喺香港肯定唔合規格,因我估香港應該有條例規管樓梯的每級闊度及深度。歐版尾梯好直,仲要佔用左尾門少少空間。但設計好聰明,善用輪拱上嘅空間。歐版尾梯在樓下的樣子。

(Ka Ho Ng攝)

從樓上往下望

(Ka Ho Ng攝)

沒任何防護裝置,當急煞時有機會跌倒在地上,而且中門唔似香港巴士咁,兩側有檔板,所以急煞時,有機會一直碌到前輪輪拱的座位(圖左)

(Ka Ho Ng攝)

Volvo Super Olympian

下圖:超級富豪小冊子的封面。

下圖:超級富豪的尺寸圖。

鍾啟賢:當年呢個設計圖,睇落似初代ALX500車身,但係初代ALX500車身最後無配過落超豪

下圖:小弟很喜歡的超級富豪鳥瞰圖。

全文完