本文轉載自Ka Ho Ng於2015年12月17日的貼文及相片,謹此致謝。


上回講到喺瑞士邊境坐Neoplan Centroliner嘅體驗。

第二日,即日來回西柏林,為的是去坐柏林巴士路線218號。218號線有咩特別?佢係一條郊遊路線,途中會經過柏林嘅森林區Grunewald,最特別之處,係每日會用一部古典巴士行走,而假日則會由一架古典巴士加一部MAN Lion’s City DD行駛。其中古典巴士係屬於一個名為Traditionbus Berlin嘅組織,佢哋嘅理念係,古典巴士唔應該只係屬於博物館,應該喺路面行走,先係最理想嘅保育方式。(參考:http://www.traditionsbus.de/about_us.htm,218線嘅時間表都可以喺度搵到)

佢哋個會保育咗唔同嘅巴士,包括Bussing、MAN SD200、SL200等,佢哋都有機會行走218號路線(雖然我估應該以SD200為主)。由於每日派車得一架,所以坐中咩車就好睇你嘅彩數。

小弟買了Zone A, B, C嘅Day Pass,只需要7.4歐,就可以全日任坐柏林嘅巴士、火車、地鐵。我約1點鐘在U Theodor-Heuss-Platz地鐵站等車,這是218線往森林方向嘅第二個車站,由於為時尚早,所以我決定過對面站頭坐回頭車返總站再出發。

下午1:50,遠處見到一輛與別不同嘅雙層巴士徐徐駛至,就是今日嘅主角 – 期待已久嘅主角 – MAN SD200 SD85!這是小弟最想坐中嘅一部,因為坐感應該同九巴嘅ME最為相似,啱晒我呢啲老鬼。

登上巴士,香港嘅巴士迷應該對呢批車唔會陌生,因為廣州曾經引進SD200 D77,而近年大熱嘅OMSI遊戲亦係以柏林嘅SD200為主角!坐咗一轉,感覺有二:第一,坐感有8成似ME,好似Man-kin兄之前提過,由於佢係用Voith波箱,所以起步加速較柔,但把聲真係同ME有9成相似,只係多咗把Voith嘅機器聲。相比ME,佢嘅避震亦較硬,行車比較顛簸(雖然印象中喺廣州坐過SD200 D77,避震係好軟綿綿的)。第二,OMSI無論在模擬車輛性能同埋場景設計,都真的很像真。

作為巴士迷,能夠見到保育巴士嘅組織同巴士公司合作,舊巴士可以如常在街道上行走,服務一般嘅乘客,實在難能可貴。佢哋每年仲會舉辦running day,舊巴士空群而出,行走柏林市內不同嘅巴士路線,詳情可參考以上網頁。

巴士在Messedamm站等候出發。這裡也是長途巴士嘅終點站。

有啲似OMSI嘅場景

下層:

下層車尾第二樓梯後仍有空間放幾排座椅。

這儀錶板是85年嘅版本,所以比較現代。

上層:

近車尾的樓梯:

行走於森林裏嘅道路,有啲似香港郊野公園裡面嘅道路咁。路窄多彎,限速30公里,而師傅亦守法地跟隨。

遇上當日218線嘅對頭車,MAN Lion’s City DD,兩位師傅都把車停下來,打個招呼同傾吓偈(雖然都傾咗成分鐘 🙂 )

沿著森林區嘅湖邊行走,景色怡人。

抵達森林區嘅總站Pfaueninsel。

218路線全程需時50分鐘,其中頭15分鐘係市區道路,跟住會行20分鐘、限速30嘅森林道路,然後再行多10分鐘嘅市區道路,最後會轉入森林道路行多5分鐘到總站。

圖中嘅司機同乘客,都應該係古典巴士會嘅成員/巴士迷。他們雖然不擅英語,但都非常友善,給他們看香港MAN A95嘅照片,佢哋都感到嘖嘖稱奇。

巴士再次回到Messedamm總站,雖然已經黃昏,但其實只係4點左右。

一段柏林MAN SD200 D85行走218線的片段。可以見到坐車尾都幾拋,同埋從乘客反應得知,部車起步加速都幾凌厲。:)

全文完