本文轉載自Ka Ho Ng於2015年12月13日的貼文及相片,謹此致謝。

帶大家坐列支敦士登嘅MAN Lion’s City DD (A39)。佢哋有3架(目測)同類巴士,行走來往瑞士邊境、列支敦士登、奧地利邊境嘅路線。當日買咗一張全區域嘅day pass,盛惠12法郎,就可以全日任坐佢哋嘅巴士,好抵玩。

講返MAN Lion’s City DD,坐感似MAN A95,用Voith波箱,一貫MAN嘅柔順同埋軟避震,車身尚算實淨,但香港嘅A95就更加靜。

MAN A39在列支敦士登嘅Schaan車站。這裡最容易遇上佢哋嘅A39。

車尾樓梯嘅模樣,其實都幾窄幾直吓。

前樓梯後有一個單丁位。

德國巴士,當然唔少得導航位。

三輛A39都有不同嘅車身色彩。雖然身長13.8米,但在列支敦士登嘅窄路,行車都唔覺有好大問題。當然,列支敦士登嘅汽車流量頗低。但後來在車多嘅柏林市區坐A39,發覺在司機嘅超卓技術下,巴士在橫街窄巷過彎其實都十分靈活。

廣闊嘅視野,令列支敦士登漂亮嘅風景一覽無遺。第一排嘅legroom尚算充裕。

MAN Lion’s City DD有兩條樓梯,前樓梯在司機位後。

另一條樓梯則設於車尾。

雙輪椅位/站立區。留意車門同站立區之間,不設間隔。

綠色的按鈕非鐘制,此乃開門按制。但坐過另一輛較新嘅A39則沒有此裝置。

總載客量為121人,其實以一架13.8米巴士黎講,唔算好多,因為車內空間運用得唔係好盡。

此乃德國柏林嘅同類巴士,此圖可看到晚上車內嘅燈光。

MAN A39沒有採用無間斷光管,但老實講,我覺得照明絕對足夠有餘,十分柔和。

Ka Ho Ng:門位嘅座椅,全部跟車窗有一定間隔,中間可能是用於收藏暖氣裝置?
Kevin回應:果幾個生口係車門油壓鼓,因為架車得四米,唔夠裝。另外所有電線行晒入面,確保車內空間足夠。我無記錯應該只係右邊咁排,左邊係貼窗。
Ka Ho Ng:冇錯,只係右邊係咁,所以師兄你講得冇錯,應該係車門油壓鼓裝置。
 
全文完
 
延伸閱讀:

外地巴士遊:列支敦士登的MAN A39與杜拜的Neoplan Centroliner