（本文轉載自William Bear於本網FB群組的分享，謹此致謝。）
小弟喺中學後期住喺馬鞍山，由於當時資訊未及現在咁發達，所以好多野都係估估下。有一日突然間發覺呢一架平時喺黃大仙出現嘅巴士喺下面操車，喺屋企洗緊碗嘅時候突然間聽到一把好特別嘅引擎機器聲，望出窗就見到呢架單層巴士 – Dennis Falcon（車隊代號AF）。
加入285
幾日之後之後終於有時間得閒去巴士總站度睇下會唔會有乜嘢發生，原來係開辦新路線285：一條由海柏花園開出的馬鞍山區內循環線。
下圖：AF17（DJ112）初加入285時及後來披上「馬鞍山廣場」全車身廣告時的模樣。
285其實喺海柏花園巴士站出嚟之後基本上走線同當時87K一樣，去到恆安村會入恆安村巴士總站，之後轉返出耀安邨總站就轉左返海柏花園。
網主註：按香港巴士大典提及，285線於1997年12月29日投入服務，循環來往海栢花園及恆安，去程繞經錦英苑及利安，回程時直接由恆安返回海柏花園。全線共設有14個站：
-
海栢花園巴士總站
-
海栢花園
-
馬鞍山警署
-
錦英苑
-
錦龍苑
-
富寶花園
-
馬鞍山市中心總站
-
福安花園
-
曾璧山中學
-
恆安巴士總站
-
耀安邨耀謙樓
-
耀安邨耀遜樓
-
新港城
-
海栢花園巴士總站
下圖：一段時間後，馬鞍山廣場車身廣場落畫，AF17繼續是285線的掛牌車。
如果喺馬鞍山新港城上車咁見到呢架車一定會揀呢架，當時好多街坊都話呢架車超級豪華物超所值，因為無記錯佢只係貴$0.5，但如果喺恆安村去新港城咁就冇乜人會企起87K往大學方向等佢- 除咗我自己。
客串274P線
呢架車同時每朝早會客串274P，雖然車廂相當豪華氣墊避震相當舒適，有一次特登唔返學走去坐佢入大埔，但呢架車轉出馬鞍山迴旋處之後最快車速我諗唔超過60公里，喺吐露港公路基本上任何巴士都爬我哋頭。
下圖：AF17正行走274P，由海栢花園單向前往大埔工業邨。較少在九巴見到的中巴/城巴式的路中心打尖上客情況，大概是274P客量真的一般，若果跟在87K這類高客量路線後面，可能在後面等很久才能上客。
行走區內其他路線
除咗大埔返工缐之外呢架車仲會行走283，284，282，唔知係唔係長度同載客量嘅問題我就冇乜見過佢行走其他路線，而且退役之前冇裝過八達通機。
下圖：正在行走283線的AF7（DH2134）。
值得一提，當時86K有易搭巴士，照理應該係Plaxton Dart，但係久唔久會消失就會用呢架車或三菱頂上，呢架車點可以上輪椅呢？
下圖：AF5（DH1634）正在行走86K，旁邊的站牌的標題正是「易搭巴士」。（HP Lo攝）
最後285缐喺馬鞍山鐵路通車之後就已經取消，取消之前已經退役，由同門兄弟AA (Dennis Dart) 繼續運作。
記得沙田廠呢幾部退役的AF最後停泊咗喺天水圍空地車場一段好長時間先至消失，印象中隔離仲放左幾架鴨車。
最後一張相係有一日喺青年會書院門口嘅巴士站等車嘅時候見到龍運操車，Lance 車速有幾快大家知我喺度諗緊佢要幾耐先返到去機場。
多謝各位觀看
相關討論
- 生不逢時，97-98年果段時間，九記冇太重用時區版AF/AN，如果知佢地省到成本，可能70,72A等好早有佢地，AN離開273A後都坐左排冷板dun。由其係啟德關門，單門lance同falcon做後備到99年果段時間，果時亦係退鴨嘅時候。果段時候行到十一米就十一米，唔得就细車，例如11D，2B，3M，16M，74A。可能果時龍仔已經有過剩，如果果時加冷直接用呢批單層，之後油價坐直升機時就唔先咁痛苦。宜家單層有剩主要係因為地區重组之後減班減車，72/74A，3K黨，有啲換翻大車，，24,34M，有d以取消，82M。’當然買批單層時冇人諗到政府批E400
- 如果86K88K用佢地/AM，當時特登印咗張「此車不設升降台」嘅牌,張牌我屋企仲有一張
- 記得嗰時搭88K用AM坐車尾中途站要落車係一件辛苦事。。。尤其係放學時間
- 試過，最好早1-2個站行定出去，或者有心理準備要遲1個站先落到車。易搭巴士同埋Falcon行88K/88P都唔好得幾多。記得第一次坐203E嘅AF，下繁時間坐喺導航位排橫位，要避出出入入嘅上落人潮，自己落車也幾乎要爬出去咁滯。
- 首先係 DH743, DH1634, DJ107, DJ167 入 285
之後加 DH2134, DJ112
其實 DJ112 上左馬鞍山廣場全廣就長駐 285
不過好似無車甩.
DH2134 我坐過佢做285 - 最特別係海柏花園總站，只能用單層入站
- William：274P未係烏溪沙站做總站之前曾經出現ADS,AD,架巴士就泊喺出面的士站個位
下圖：海栢花園總站，其高度只容許單層巴士駛入。（Charles Lam攝）
- 285都用過ADS，泊出面街
- William：果班車好似係返學特別班次
- 係咪全部AF都起馬鞍山終老?
- 唔係，DH3323冇入沙田
延伸閱讀
全文完
