本文轉載自William Bear於2018年6月17日的貼文,謹此致謝。


今日想同大家分享下90年代尾的馬鞍山巴士和路線,主要都係講熱狗,麻煩各位如果有錯請指正

最有歷史嘅應該係恆安村巴士總站,不過我識得影巴士嘅時候85K已經行走緊巨龍,89C就用大車行,仲有當時86C總站都係喺恆安。

第二個馬鞍山最有歷史嘅應該係耀安邨巴士總站,當時有三條線包括81C,85C同43X。不過當我真係有相機影巴士嘅時候勝利二型已經開始退役,未退役之前喺馬鞍山都肩負重任,85C、40X、43X大部份掛牌車都係勝利二型。

隨着勝利二型退役,城門隧道馬鞍山線有不同的變化,係未完全冷氣或之前,43X竟然用大車;40X就用新車(S3V)

再之後到利安村新港城等等的住宅入伙,派嘅車種亦都開始有改變:87K就本來的珍寶變成三閘車,87D,85M使用當時嘅新車(包括老虎系列同埋開龍密龍)

但隨着全冷氣快出現,熱狗巴士慢慢變成歷史

還有補充一下,其實我第一次入馬鞍山應該係1987年,當時85K已經用緊巨龍,所以之前有另一位師兄嗰張馬鞍山啱啱入伙用倫敦寶嘅情景我就未見過啦

喺大老山隧道公路未動工之前入馬鞍山嘅路基本上係沿着城門河行,去到富安花園就有紅綠燈轉由右邊入富安花園,之後出返嚟行返依家86K嘅路線直到恆安巴士站再轉入恆安村巴士總站

眼見大老山隧道及其配套公路動工路線亦不停咁改,再到後期頌安邨出邊嘅路面開通,恆安耀安巴士總站開出嘅巴士就行嗰邊出

再之後部份路線現場例如86C延長都利安邨,85C延長到馬鞍山市中心直到最後消失了變為85X⋯⋯

還有值得一提,世事無常,啱啱影巴士嘅時候覺得99號呢條係一條沒有用的垃圾路線,心裏面諗泥涌鬼都唔多隻,邊度會有人喺西貢坐一架咁梳嘅巴士去啲無人去嘅地方,渣99嗰個師傅好似揸私家車去旅行咁,睇佢幾時執笠

初初聽到馬鐵通車之後將條線現場去烏溪沙馬鐵站都叫做有啲作為,記得當時係用單層dart,結果唔知邊個區議員定係九巴(肯定唔係運輸署果班食塞米)諗到將299同99拆開,99最後仲要延長到恆安村,仲要入烏溪沙鐵路站咁就成個世界唔同晒

我已經離開咗馬鞍山一段好長嘅時間,依家啲巴士路線改成點真係唔係好知

慢慢欣賞

恒安

其他回應:

  • Terence Tam 細個住富安,基本上坐85K同巨龍大,車上滿載住好多唔同既記憶,包括已過身既屋企人. 仲記得個時放學都係企係村口睇巴士. 好掛住d吉龍…
  • Wing Chan:富安以前有條85P去沙田火車站,早繁單向?服務係點? 85K早繁不入富安?
  • Dominic Wong:無記錯有85P時段85K係唔入富安,依家好似仲有兩班特車0720/0735係富安開
  • William Bear:85K不嬲都有入富安花園,85K,89C同埋後期開嘅81C,43X咁多年都係入富安,85P仲存吾存在我就唔係好知啦⋯⋯
    80年代沒90年代初85K仍然係馬鞍山居民主要出入的路線,例如坐到去沙田火車站轉火車出九龍或者過海
    值得一提就係當時有條叫做84K嘅路線,都係行珍寶但係班次疏而且相當搞笑,佢話去大學火車站但係去到沙田醫院迴旋處先返轉頭所以最後取消左
  • Terence Tam 85K一直都有入富安,係初頭85P開個時85K繁忙時段會skip左富安(好似係)之後後來演變到繁忙時段都照入.
    289K / 84K其實好方便,不過當年84K服務到既居民唔多…
    講起試極速,當年沙田醫院對出未有燈位時d司機踩得好爽😋
  • Leon Leo Ng Terence Tam 咁84K開果陣,未有289K海皮客,正路行就係行石門調頭嘅,記得84K果兩部珍寶
  • Dennis Lam:D1006 & D1030 兩部車
  • Dennis Lam Wing Chan 85P初期係早午繁都設服務, 用車約6-8部, 都是85k 蛇車柯打。同時間85k 不入富安。約92-93 年左右取消下繁服務,只保留早繁服務, 直至99年準備開289k 而取消85P.

85K與68R

  • Cas Nahc:當年返學一係坐85k,一係坐68R, 當時兩條線都好旺場
  • William Bear:68R又係另一悲劇,開嗰陣時係威係勢仲用新車;結果好似嗰間叫做南海嘅公司頂唔順俾咗開大做,開大就搵返啲老人家同埋老爺車,不過最後都消失左⋯⋯
  • Cas Nahc:好記得啲前置置引擎老爺車,上耀安條斜路好慢
  • Van Cheng:最後一次搭68R係2003年沙士之前,好似係星期六下午,車牌GY3211,3個人(我、爸爸、大家姐)包車,只收現金每位5蚊由恆安去威爾斯,記得架車行大老山公路好冇力…😂
  • H.k. Tong:68R有無咩背景?公屋開短程村巴應該香港史上唔多?
  • Leon Leo Ng:68R好可惜,後尾比803同新港城免費車陰乾埋,班次疏,時間又難捉,尾期我經常搭佢,一個人包車由河畔返恒安
  • Bus Chun:68R恆安至顯徑

下圖:1998年有批12米熱狗改為訓練巴士,首條城隧線全冷是73X,2000年9月全冷,2000年尾開始大規模退12米熱狗,有些12米熱狗退時係16年車齡退。記得當年巴士迷甚至乎司機大家都喺度取笑竟然73X全面冷氣化之後用嘅車種竟然比之前更加舊。當時大部份冷氣車都係3+2座位嘅舊式車

其他回應:

  • Wing Kit Lau:73x最正都係E蛇龍+水塘康偈龍嗰期…
  • William Bear:當時偶爾有特別大獎ME,只係搭過一次
  • 胡説:73X第一日全冷特登去和宜合道睇用咩車,見第一部係E牌AD仲以為係特見,諗住應該會用2+2AV,點知睇第二部第三部都係舊AD,即刻番屋企算😂不過最明顯冷馬舊過熱狗嗰條係40X,熱狗用G牌S3V,全冷竟然用E,F牌AD😂當年全冷用車最好嗰條43X,差唔多6成以上掛牌係2+2AV,其次係條48X。47X當年剛全冷都有6,7部2+2AD做掛牌,但好快甩晒用3+2AD
  • Tomas Fifa Kok:但銀柱龍先係好野,上斜一流
  • Wing Chan:銀柱龍內籠係舊不討好,但機件上有實力,上斜好幫手!

耀安

下圖:記得馬鞍山所有路線冷氣化之後大部份尾期熱狗,調往屯門行走66,59A之類未有冷氣化的路線。其實同而家就嚟消失的MAN一樣,引擎聲仍然存在但係火力已經消失了

做57M嗰時坐過 都唔太差…咁同我坐過佢做85c嗰期梗有d偏差…有段好長時間掛57M,仲記得佢南豐紗廠停燈上屯門公路鎖波爆盡爆贏歐三ATS

其他回應:

  • 古競豪:FU4794曾是57M掛牌。晚年偶會以L廠車身份攝66,可惜巴士在退役前的時速只有68公里
  • Brian Tsang:當年掛4794個掛牌佬係車手,所以架車嘅性能經常得以發揮。
  • Kane Tsang:汀九橋開之前,屯公百花齊放,車手+康偈熱狗落到跑道,總有一咋吉偈、冷馬食塵,o個種快感59A 66 後期堆康偈完全冇得比
  • Wing Kit Lau:4794新出牌好似己掛85c 我印象93年尾己坐過…
  • William Bear:冇錯仲好似係一個好後生嘅師傅揸車
  • Steven Fu 85C全冷前當年有幾多部三軸熱車?條線總共用幾多部車?(計埋冷熱)
  • Wing Chan CM5770,CW9935,CJ3741?
  • HP Lo DP9778,DM1355, FU4794,FX8173?
  • Steven Fu 原来有4部三軸,但啲人誇張到話85C得雞車

下圖:當日應該係下午四點半左右我啱啱放學就見到啲咁嘅嘢

其他回應:

  • Danny Leung:81用雞車已經係97年或之前嘅事
  • William Bear:呢張相可能再之前影,因為當時沙田廠85C有個同門兄弟廣告就係九四區域市政局節
  • Wing Kit Lau:95年年頭已見過DK6853(水塘蘭)上紅萬廣告同DW104(啡窗蘭)上红雙喜廣告 行81 己轉沙廠…但唔清楚係咪掛牌…
  • Leon Leo Ng:區局節,好多version的廣告👍
  • King Yeung Lam:印象中,區局節每兩年就搞一次。
  • William Bear:正式掛牌

錦英苑

感想:現在嘅巴士雖然舒適得多,科技進步得多但我肯定人的快樂一定比以前少。主要係關個社會氣候事。照片中嗰個年代,係九七淪陷之前。係香港人仲歡天喜地,諗住背靠祖國今次一定發達,不過當時我的老師相當有遠見佢同我講佢一定要移民走,佢係1996年移民,所有資產都賣晒,都叫做先知。

其他回應:

  • Ray Pang 最記得係全日4-8分鐘線王級班次既85M,仲係歸做新界特快路線
  • William Bear 記得啱啱開嘅時候係用珍寶
  • Leon Leo Ng 當年搭85M珍寶,行到石門石礦場遇上爆石,來回線要停低
  • HP Lo 當年85M又真係快,用車粒粒星,諗起新加坡嘅23

利安

其他回應:

  • 馬斯坦:40X 由開頭勝利二型到後尾s3v, GL431, GL390 絕對係主力,後尾轉冷氣反而派番啲FC牌11米龍。當時感覺服務倒退。
  • Alan Law 40x 開線用DM,記得係職業安全 但忘記仲有邊部
  • Wing Chan 40X開線係小多,但後來雞多過小多,小多係舒適,不過雞上斜係優勝過小多
  • 胡説 40X初開線時班次係咪好疏?因為最多睇見40X時已經係用S3V,反而你地講既雞車/DM年代真係冇乜見40X呢條線

大學火車站

呢架車當年喺沙田嘅大缐周圍走….

其他回應:

  • Wing Kit Lau:95/96年黄昏係銅鑼灣見過佢行680…
  • Kane Tsang:大士啤
  • William Bear:85K 每一天都有一架order夜晚喺港澳碼頭返去
  • Raymond Yuen:90年代中期曾經伙拍3BL1掛牌行80K, 之後四圍走。
  • Chau Man-chun:1995年坐過行80,個金毛師機仲話呢部係國寶
  • Leon Leo Ng 87K當年九巴派開缐單張入尾邨信箱,聲稱耀安去大學只需五分鐘(珍寶年代)
  • William Bear:聽聞嗰陣時城巴租左大學站對開嘅草皮擺巴士,咁岩果斷時間我去咗外國讀書所以冇機會睇到,係喎聽啲人講嗰陣時除咗擺咗全新嘅Olympian 之外,仲拍左星加坡柴
  • Leon Leo Ng:係呀,無位擺,政府特別租比佢,而且真係泥濘爛地一塊,車身新簇但四個轆泥濘

馬鞍山街道

最後送上一張上次睇過應該係最舒服嘅冷氣車亦都係行得最慢嘅冷氣車⋯⋯

其他回應:

  • Victor Siu:唔知 falcon 飛吐露港係點呢?
  • William Bear:好似一個喺跑道滑行嘅飛機但係永遠起飛唔到,我真係搭過一次274P,坐上車第一次喺迴旋處轉右邊,行87K路線的時候,喺吐露港天橋開始令我失望因為發覺極速已經到,隔離當時有3AV 74X,高速係我哋側邊過,吐露港公路的特別旅程就係失望下結束。後來聽司機講原來呢架車最快都係開到50😭
  • Kane Tsang:可能要大尾牙- 密齒比先推到副超卓 lol
  • Leon Leo Ng:做完274P,有架要跑出沙田市中心做283

其他回應:

  • Alan Mak 當年充滿希望嘅馬鞍山,馬鞍山嘅八佰伴仲要係特別版嘅Nextage。
  • William Bear 八佰伴說明了一切

  • King Yeung Lam:84K大學至富安,當年只係試辦性質(印象中不足半年),平日上下繁時間服務,取消多年後直至錦泰苑一帶海邊住宅入伙,先至重新開辦一條來往大學站至富安花園嘅289K,雖然都唔係多人搭但都仲頂得住。
    講起84K,讀中學時每逢周六下午都要由富安前往上水參與課外活動,開咗84K就方便得多,起碼可以晌大學站轉車返富安,不過次次搭都係得小🐈三四隻,想唔取消都難🤣
  • William Bear:呢條線當日我點解走去坐原因就係我想睇下珍寶個極速可以去到幾多,我今時今日嘅印象佢行得仲快過AF
    另外我對289 K有另一個睇法,其實佢服務嘅對象集中喺錦泰苑同埋嘉華星濤灣嘅居民,富安花園反而係尾站
    不過好似我阿媽咁嘅年紀嘅老人家唔會考慮轉車快咗幾多分鐘佢哋只會考慮上咗車唔使郁,所以呢條線應該有得做
  • King Yeung Lam:都係㗎,尤其係返完大陸玩,經東鐵南下,好多時都寧願晌大學轉289K,感覺上近好多。😂
通宵線
  • Leon Leo Ng:通宵線有一個趣事,係我親身經歷,無乜人知:當年馬鞍山仲新發展,恒安耀安未識分,站牌組亦一樣,佢哋將288S站牌落係耀安的士站,擺左兩日,先放返恆安。
  • KongDaniel:288S最初開線時,係用豐田24座中巴行的
  • Leon Leo Ng:係,田心個站就少人知,其實就係田心村停車場個垃圾站😄
  • Alan Mak:九七淪陷前嘅沙田區,喺交通發展上其實其得寵。起初沙田只係個剛開發嘅新市鎮,根本唔係尖沙咀、旺角嗰種市區。但係九廣鐵路英段嘅火炭車廠同九廣鐵路大廈,正就係設於沙田區之內。曾己何時,九巴亦會將最新嘅巴士型號,派駐沙田車廠,用於沙田區嘅路線。區區一個沙田區,喺英治盛世奠下基兩後,後來仲做埋通宵巴士路線嘅樞紐,變成不夜城。單係常規過海通宵路線已有N170、N182、N680 有條咁多,非過海路線更有 N270、N271、N281等。
  • Stanley Leung:相片似乎大部份都在95-96年期間拍攝
  • William Bear:我都唔係好記得啦不過應該係讀中學嗰陣時影而家都已經係老坑😅

全文完