[回憶分享] 新巴Dennis Trident新車表現及路線 | 新巴歷史回顧

網主前言：Simon Lee的文章在本網FB群組貼出後，引起不少成員的詳細回應及有趣分享，部份節錄至此及稍作分類。由於討論原文較為分散，故以下內容會以point form形式列出，盡量理順意思，方便各位閱讀。另外，由於是各成員的回憶分享，資料未必完全正確，只作參考。

首批新車

• 當年去過幾次1001巡迴展覽，以乘客角度睇普遍正面，唯獨聽得最多就係點解架車無頭枕
  • 冇頭枕呢方面的確係差啲，城巴及九巴同期的trident都有頭枕。
  • 係呀，記得有職員答過我話視野會好啲，我估佢都係hea我…
  • 都98年，唔知點解仲可以新車無頭枕（知佢跟英國，嗰邊唔太興有頭枕）
  • 01/09/1998 坐 1011 行 111，車長播放粵曲，記得係有卡式帶機
    • 1011如果係夜更肥佬唔出奇，佢由中巴揸VA46到新巴揸1011都比較隨便，播粵曲一啲都唔奇
  • 印象中新巴trident服役初期係好似鐵巴咁有對講機,請問係幾時停用？記得車頂近車頭位置有裝天線,應該唔會係gps報站卦
    • 沒有對講機，但有咪高峰，不過甚少司機會用。天線應該係 for 收音機，新巴接手頭一個月坐 20xx 行 78，車長經常開收音機。新巴有同新城電台合作過，車內播該台。
  • 1001係城記22xx其中一架嚟（底盤編號有個位代表車身款式都係寫2唔係寫1），所以點解2231個車牌遲過同批。1002至1019同廈門砌嗰批109x明顯係九記訂單，好似聽聞九記做好人讓咗俾新記

下圖：1001在新巴開始服務前，曾被用作流動客務中心，穿梭各區的巴士站，收集市民對巴士服務的意見。這天1001來到柴灣地鐵站巴士總站，看來很受市民歡迎。（友人贈相/外購相）

行走路線

• 想問吓初期行111,112嗰批Trident係咪想騰出返原先中巴批冷氣車俾其他線定係想增加兩條線冷氣車數目?
  • 1998年9月1日，1008-1012落111，1013-1017落112，取代舊有中巴冷氣車：
    111: 1008代VA34, 1009代VA55, 1010代VA42, 1011代VA46, 1012代VA50
    112: 1013代VA32, 1014代VA31, 1015代VA36, 1016代LA17, 1017代VA53
    1998年11月第二次換車：
    111: 1034代ML74, 1035代VA49, 1036代VA41, 1037新加工半車, 1038代DL19, 1039代DL23, 1040代VA33, 1041-1043為新加字軌
    112: 3001代ML13, 3002代DL1, 3003代ML57, 3004代DL30, 3005代DL31, 3006代ML27, 3007代DL15, 3008代ML52, 3009為新加字軌。112果期換新車其實並非直接換走中巴非空調巴士，因為換車前一個月大量非空調巴士退役，中間夾雜大量VA/DA/LA過客。
• 以下新巴trident仲有固定路線:
  1001-1007: 8P (直至E500出現先有轉變)
  1175(?)-1190: 590 (唔知點解果時1185特別殘)
  302x: 720
  1401-142x: 23
• 1001-1007/1018/1019初期係安排落8號，繁忙時間攝8P，到8P轉全日就變成全日行8P；
  1176-1190早期係黃廠M590字軌車；
  1144-1165(?)我記得早期都係西環廠，有幾架早期成日行113、904但唔肯定係咪字軌車；
  其餘嘅116x-1175就係柴廠出牌，好記得坐中過1169同1171首航112，其中架1171行咗幾日，塊電牌一路都仲未update用緊原裝data，頭牌數字仲係勁大嗰款，淨係出到北角方向但出唔到蘇屋方向
  • 8號喺98年9月好快成為全熱線，而且日日用車不同，最記得以前302一車DA89的博士師傅喺98年7月突然改落8號DM26，佢喺新巴8號有幾日是連續揸DS，真係辛苦

下圖：1008於新巴的首日也是8P的其中一員，電子路線牌的「特快」字樣只於開線初期出現，不久後改為「小西灣特快」。（友人贈相/外購相）

• 1050-1069以前經常行116
• 批5波躉喺905時代真係又爽又快又正，不過批車喺905日子只有一年日子，大約2000年5月新巴要把trident 安排喺銅鑼灣區路線，905即時換入DA22-DA34，但好快換入VA31-VA43，班字軌揸番VA都好開心，因為係佢哋喺中巴時代揸慣的車。

下圖：當時在港澳碼頭很容易會找到新巴的新車，皆因不少投放在111及115等過海隧道線。（友人贈相/外購相）

速度表現

• 1131-1140是zf五波，呢批嘢由新車落地到2000年5月是905字軌，當時成日坐到，轉波好快加速好勁。905班中巴司機揸住呢批車好似ML上身，因為車門沒有鎖，夜晚截車時「車未停門已開司機位燈已亮 」，班友踩到批車識飛架，真係幾好玩
  • 係，呢批車耐不耐會有幾架行下101，我又係間中坐到，以前101有個姓簡，佢同另一姓馮司機係前後車，雖然佢唔係來自中巴，但佢手車拍得住中巴師傅，兩個經常夾埋一齊拍拖，一人做一個站。我仲好記得101班師傅研究到點樣可以一路閂中門一路開車，完全不受限制。

•  ZF亞記躉好跑得架，有一次搭中1136@2尾車返筲箕灣，喺英皇道同N8X鬥車
  • 以前905班中巴舊人揸住佢哋喺西隧及連翔道踩到識飛，極速雖然70，但勝在起步加速快，車門又唔鎖又開關快速，喺市區上落客快靚正。批車極速70-72左右，架架唔同，搭905時搭得多，問司機佢哋都話70-72左右，不過起步快加速快，行市區攝位一流。

下圖：1108沒有首批新車的車門及車速問題，有網友坐過1108，由中巴舊人駕駛，可以飛到七彩。（友人贈相/外購相）

不適應的車門開啟限制及解決方法

開門

• 車門靈活對市區線十分重要，1001-1020/1091-1096車門很鈍，開中門要先拉手掣，所以班中巴舊人麻麻地呢批車。101班中巴司機最唔好彩係頭車至六車(字軌是1091-1096），因為是「九巴規格」，需停定開頭門+拉手掣開中門+極速65=極品。
• 30XX被中巴司機稱為「鈍胎」的trident，但好多落左112，112班中巴舊人揸到媽媽聲，尤其車門運作，連頭門都要停定才可以開，開左架車會自動鎖死，一定要關好門才開到車。當時新巴仲有行字軌制，3005落咗112八車，即是中巴最後一年DL31個字軌位置。早更誠哥及夜更豪哥都有佢特別之處，誠哥手車好快，佢揸新巴時夏天會把紙巾攝喺衫領後頸位置。豪哥是老伯，外型已是一位長者，手車好慢，和五車中巴VA31/新巴1014夜更是全112最慢，仲慢過九巴。雖然豪哥好慢，但佢同我講佢唔鍾意揸30XX，嫌佢鎖緊車門，冇1021-1190果批咁方便。
• 1021很深刻印象，因為在106二車時間是前中巴102五車DA7夜更浩哥字軌，坐過佢兩次車，佢仲話呢架車好似中巴車的車門咁嘅運作。但106當時頭車曾換入1020（香港駕駛學院廣告），呢架車就是拉手掣開門設計，班中巴舊人十分不喜歡駕駛1020，而當時該車早更是一位全金髮的中巴舊人，但佢手車十分爽，渣住1020也很爽快。
• 另外 搭過16xx新車時見司機開落車門無拉手掣，不過開車前一定要拉次手掣先開到車。

關門

• 另外想問吓1001-1020,1091-1096同埋30XX嗰批中門係咪要關實咗先可以鬆手制走?否則就九巴情況一樣? 至於1021-1090,1097-1190,14XX,16XX就只要中門關咗3份2個閘鎖已經unlock 就得?
  • 1001-1020，1091-1096及30XX最初可以唔駛等關好門也可以鬆手掣，只要待車門關好架車就自動行得車。但大約99年尾左右，新巴開始為呢批車逐步改裝，拉手掣開中門後，必須待車門全面關妥錢箱「滴答」一聲後方可鬆手掣開車，否則架車是不能開動。
    但幸好1021-1090/1097-1190及所有14XX/16XX均未有改裝，仍沿用行車時隨意開頭門，無需拉手掣開中門。

破解方法

• 班司機揸三叉戟唔鍾意拉手掣開門，到左99年，有部分新巴司機喺「集思廣益」後，研究到兩個破解方法令車門運作靈活
• 佢哋突然間發現架車臨停定前先按中門的關門掣，再按中門開門掣，架車的關門警報器「叮」一聲就會自動開中門，不過一定要較得啱啱好，否則會嚇親乘客🤣（呢個玩法超級富豪是唔得的），之後仲曾經廣泛被其他同事偷雞採用，諗番起真係搞笑
• 關門方面，佢哋都試過偷雞打開掣板關掉中門的鎖車裝置，架車未關門都開到車

下圖：1010是首批新巴Trident的成員之一，作為其中一名「極品」，司機可能寧願駕駛旁邊的DL19。（K.H.Choi攝）

車身廣告

• 批5波躉喺905時代行咗一年，之後大部分調咗去18，當中1132/3/6/8/9上咗捷徑王廣告，而架1135亦都上咗標準人壽廣告做18字軌車
  • 同期1135帶住紫色templeton （右邊車身大大個扮冼樸的模特兒）廣告，由905過檔18。
    905時代1131曾經上過青綠色版本京都念慈菴廣告，右邊貼有一個女士及幾個小朋友的人象。
  • 呢個係第一個新巴版本嘅念慈菴廣告，同期112嘅3008都上咗，當時嘅代言人係歌手李樂詩(唔係去南極探險嗰個)；到第二版粉紅色廣告先變咗做「行走的CD」，3008繼續上，但另一部就由1131就換咗做111字軌車1010
  • 上左念慈菴新版當時有1010（111五車）3008（112十二車）1131（905一車）。
    提起112批廣告車，當時批都普躉上得唔靚，淨係左右兩邊有廣告，車頭車尾是冇上廣告。包括：3001輝煌電腦、3002東瀛遊、3003恒創電腦、3006香港駕駛學院、3007平機會；其後3004上新版輝煌電腦、3005縱橫遊、3009健力寶就好好多，車頭車尾上晒。
    提起3009，我提過果位貌似制服誘惑造型的馬德鐘的金髮司機就是3009早更，佢手車快到七彩，但原來佢是中巴舊人，並非新巴新聘請的。
  • 堆早期廣告最難頂係架東瀛遊3002，感覺好似喺報紙剪堆字貼上個車身咁
    舊版輝煌應該係3004，上咗個廣告冇耐有一日出走去720喺金鐘著火，擺咗廠成年先復出，所以先要搵3001上番輝煌廣告替佢
  • 3006上咗哈姆太郎全廣，後尾有朝行680X喺東隧口大炒，之後換咗橙色電牌，亦係唯一一架橙牌嘅30xx

下圖：3005年披上縱橫遊的全車身廣告，設計不錯且包括車頭車尾，看起來更完整。（Ricky619攝）

配置、按鐘及關車門的叮叮聲

• 最記得後期1060-1069改咗用短死氣喉，把聲變咗勁洪亮，佢哋喺英皇道行過我隔兩條街嘅十幾層樓高都聽得好清楚，聽講果條短喉係多咗重過濾，雖則見批車仲係噴黑煙⋯⋯最好笑係當年晚晚好似都硬係有一兩架行N8，半夜三更把聲響徹英皇道
• 好似1021都係跟1002-1020配置，依批躉有個特色就係下層車頭擋風玻璃對上有個窿望牌箱，仲有1091~1100都係用灰窗框，因為依批車係首批起廈門廠裝嵌。
• 另外仲記得後期批11xx(我估可能係香港砌嗰批，1141打後)輪椅位嗰兩張摺凳下面有兩條鐵條連住，一拉落嚟就拉開晒兩張，唔似得早期嗰啲可以兩張獨立拉低⋯⋯不過後期新巴都拆晒啲摺凳
• 有印象是1141打後，果兩張輪椅位摺凳是一齊拉低。提起裝嵌地，意想不到1131-1140是獨立一批英國裝嵌，因為由1091-1190是香港/廈門裝嵌（有錯請指正）
• 3001-3062原裝第一下按鐘係有兩聲短促嘅「叮叮」聲，著咗燈之後再按鐘掣每次都仲會有「叮」一聲，但大部分都好快改咗做只會第一次按鐘後叮一聲，唯獨架3044到臨退役都保留咗原裝聲。另外3001-3042早期座椅上嘅扶手係孤形嘅，後期連椅背膠板一齊換咗做50xx嘅款式有印象30XX有一批新車落地用左硬塑膠頭枕，中門警報聲叮叮聲。
  • 冇錯，第二批3043-3062中門警報係叮叮聲，同時中門警示燈亦改咗用亞記躉嗰款
• 原來新巴ALX躉喺初初落地係用叮叮叮閂門？
  去到好後期反而變咗有兩部30xx用叮叮叮閂門 其他ALX/DM多數都係用長警報
  • 所有亞記躉、50xx同33xx原裝都係叮叮聲，後期新城車嘅閂門警報基本上撈亂晒嚟用⋯⋯
  • 30XX有一小批座椅改用左硬塑膠頭枕的，中門警報聲用左叮叮叮。

其他分享

• 內容好詳細，到而家仲好懷緬以前90年代尾到2000年初坐新巴Trident年代，當年成個港島由熱狗遂潮轉晒冷馬，同埋隨後Super Olympian啱啱服役個時同Trident有啲撞樣，甚至當年既巴士迷將兩款車性能互比，到宜家都好懷念新世界同First Bus管理既新巴年代，改進當年巴士舒適同可靠性
  • 謝謝你的共鳴，我都好開心分享昔日往事。尤其當時新巴買左一大批車，當中車門運作竟然咁似中巴，可以行車時開頭門，唔駛拉手掣開中門，當時一眾前中巴司機揸住呢批車好似揸番中巴車咁，係新巴獨有的，九巴城巴都鎖死晒頭中門的。

• 新巴係1999年之後轉跟城巴一樣行跳飛機制度？
  • 當時新巴喺1999年透露會行跳飛機，部分路線設中更制，工會當時有喺站頭搞簽名，但最終新巴慢慢逐步實施。最記得M21先行中更制，以前認識一班A20中巴前輩好多落左M21，佢哋都話要輪中班。
  • 而跳飛機喺隧道巴層面上，最先試驗是302/691呢對孖寶，以早更為例，由691尾車開始每月輪字軌輪到302一車就會轉更，變為691尾車兼夜更。
  • 而其他隧道線就大約喺2002年開始改時間表，變跳飛機，減工數。
    最記得喺1999年行跳飛機輪字軌制既最初試驗線仲有104，當時新巴有18部車，跳飛機玩法就係由頭至唔知十車由夜更攝食飯，十一車起就由早更頭車攝返；輪字軌玩法就係由尾輪上，即如早更18車下月就會做早更17車，早更頭車下月就會變成夜更尾車，如此類推。仲有早上既104有一兩個字軌係要九唔搭八地去攝一單720由筲箕灣出中環。過咗冇耐就連隔離條101都跟住呢個玩法跳飛機輪字軌。

下圖：1018這天行走M21線，但電子路線牌卻沒有資料，唯有用21「頂住先」，都是去太古城，M21只能出現在貼紙上。（K.H.Choi攝）

• 下圖1003，車頭擋風玻璃中間唔係咁
  • 所有亞歷山大車身12米歐二Trident上下層擋風玻璃原本都係一塊過款式，後來部分成員因為炒過車後就可能因為成本問題換上被形容為破相既左右分開大銀幕。有只係下層（要換水撥款式作遷就），有只有上層，有上下層都換哂（正如圖中既1003破相後既面貌，記憶中佢係大概2001年夏天左右被破相既）。印象中第一部被破相既係1089，新車未夠一年就咁，當時見到都好驚訝。
    其他破咗相既成員有：1006, 1007, 1017, 1032, 1041, 1048, 1058, 1072, 1075, 1081, 1090, 1091, 1095, 1112, 1116, 1118, 1130, 1133, 1139, 1158, 1172, 1179, 1190，大概係咁。
  • 印象中得1002-1007用大編號

若還未看過Simon的原文的話可下圖瀏覽：

1998年新巴Dennis Trident新車的特點 | 新巴歷史回顧

全文完

推出日期：2023年6月11日