網主註：轉載自Ka Ho Ng於2018年6月的貼文，謹此致謝。
德國巴士，對我來說總是有一種不可言喻嘅魅力。
這個故事要由平治巴士講起。小時候，在荃灣總會看到一些與眾不同嘅巴士，父親說這些是平治巴士。
當時每年只有一次機會入屯門，就係去屯門嘅親戚屋企拜年。所以，這是一件盛事，總希望可以坐到這些與眾不同嘅巴士，但每次都未能如願以償。
直至有一年，拜年後在安定村等60X回家，竟然來了一部特見 – 夢寐以求嘅平治巴士。但我對這程巴士嘅印象係：十分擠擁，迫喺車頭，被家人包圍著，黑媽媽什麼風景都看不到。但是最深刻嘅印象，就係迫落車後親戚嘅一句話：“嘩，頭先部巴士超曬速喎”。快，就是我對德國巴士嘅第一個印象。
故事一轉，去到1997年。同學告訴我，在港島街頭看到一部樣子古怪嘅城巴MAN雙層巴士。當時覺得很有趣，因為從來不知道MAN有製造巴士。後來大夥兒去坐佢行E22，這條路線讓這部MAN巴士的優點，得以淋漓盡致地發揮 – 在北大嶼山公路逢車過車，然後可以如履平地般攀上白田嘅斜路，令我感到坐巴士時前所未有嘅推背感覺。從此愛上這部2500，令我對德國巴士更感興趣。
同年，城巴引入原裝嘅MAN單層巴士。既深且闊嘅車窗，硬朗嘅車身線條，醒目嘅外型，令我十分期待。果然，乘坐感跟之前坐過嘅德國巴士如出一轍，加速凌厲、避震柔軟、引擎聲既磅礡又悅耳悠揚，深得我嘅喜愛。猛獅巴士，彷彿是速度和氣勢嘅代名詞。
後來，得知城巴增購MAN雙層巴士，更加令我萬分期待。第一次看到這批巴士，是刊登在某年巴士年鑑，裝嵌中的圖片，第一個感覺是：為什麼樣子那麽奇怪？後來，因為配額制度，令這批巴士輾轉落戶九巴車隊，我特登放學後從沙田跑到屯門裝嵌廠，一睹新巴士嘅風采。考mock exam期間，更滿懷期待去坐首航60X線。但是，這些巴士在首日航嘅表現，同我對德國巴士嘅印象比較，可謂大相徑庭。縱使如此，首日航當日我也坐足4程60X，也無損我心目中德國巴士那份魅力和神秘感。
在往後許多年，無論係九巴ME、城巴2500、單層MAN、以及九巴AMN，很多時候都成為我跟朋友遊車河嘅首選。對我來說，這些德國巴士，從錶板佈置、內籠設計、座位排列，以至加速、行車、懸掛感覺，以及引擎機器聲響，都跟主流嘅英國巴士十分唔同，具有獨特嘅個性。每當坐上這些巴士，都給我十足嘅感覺。
近年搬入屯門居住，令我有更多機會成為AMN嘅坐上客，縱使60M、61M和61X並非我出行時經嘅恆常選擇，但我總會“製造機會”去乘坐這些AMN掛牌路線。雖然這些巴士開始步入晚年，雖然佢哋嘅表現一向毀譽參半，但對我來説，每個AMN旅程，都是深刻的、獨特的、享受的，越坐得多就越有深刻嘅感覺及體會。
時光飛逝，這些傳統德國巴士喺香港嘅數目，已是寥寥可數。這令我格外珍惜每一個倒數中嘅機會，去再次感受那份獨特嘅乘坐感，屈指一算，2018年我已坐過大約40次AMN巴士。即使現時香港有不少MAN A95投入服務，而且乘坐感覺也不俗，但相比這些老車，還是欠缺了一份個性、一種味道，恕我形容為“唔係嗰回事”。
猛獅巴士落戶香港時，小弟還是一個中學生，不知天高地厚。這些年來，見證住佢哋喺屯門新車落地，從第一天首航以來就成為座上客，到現在又喺屯門跟佢哋告別，一切彷彿返回原點。然而，自己已成家立室，這個城市亦已變得十分不一樣。故此，在這些傳統德國巴士煥發餘暉之時，小弟想寫下這篇文章分享少少個人感受，亦十分感謝谷主Dennis Tang兄通融，容許我張貼一些近年拍攝嘅照片，令到整個故事更加全面。
按：這篇文寫於上星期，當時還有幾部AMN在服役。過了昨晚，相信大家也知道，“the rest is history“了。
另外，此為小弟在2001年錄的平治引擎聲，錄於ME37@63X行走於屏山附近，按此下載。
而這是今年4月，錄於AMN22@67M，行走於荃灣大窩口附近的引擎聲，按此下載。
下圖：這個故事始於20多年前，由平治巴士開始。當自己可以出
下圖：第一次去搵2500，由於當時資訊有限，只知道部車行5
當時間巨輪越轉越快，今日的我，就算是對於自己喜愛的東
這張相片攝於第二次坐2500，這次比第一次順利得多。
下圖：1998年1月，考完試坐剛出牌嘅龍運Trident到東涌遊車河。到城巴東涌廠逛逛，見到一部前所未見嘅單層巴士，初頭睇尾燈仲以為係三菱巴士（一樣係打橫排列），後來問朋友才知道係MAN NL262。NL262給我的第一個印象係，點解車窗可以咁深咁闊，整部車嘅線條十分流暢，跟其他英國巴士例如Dart, Lance很不同。到後來東涌線投入服務首天，才有機會一嘗這款原裝德國巴士行S系列路線，在機場島上駛過無數的迴旋處，連開車嘅師姐都迷路了。自此MAN NL262亦成為我遊車河嘅favourite，空閒時常與朋友去坐85, 41A, 47A等路線。
這張照片嘅特別之處，其實係用贈券曬5R後自己cut返3R，因為當時問同學爸爸借嘅手動機，只有50mm定焦鏡頭，所以要做“後期Photoshop”。
下圖：在1998年嘅UITP展覽會，終於能夠親睹Neoplan Centroliner嘅真身。喺AP投入服務之前，曾經對這批“超時代巴士”十分憧憬，但相比MAN巴士，Neoplan的坐感、車廂設計、引擎聲比較近似其他英國巴士，所以我的感受唔算深。但就算用今日嘅標準嚟睇，我認為Neoplan嘅外型都仲係十分劃時代，絕對配得上“超時代巴士”嘅美譽。
下圖：由於2500給我的美好印象，得知城巴增購MAN雙層巴士，令我十分期待。最後巴士落戶九巴，我也急不及待在放學後，“千里迢迢”從沙田來到屯門裝嵌廠，先睹為快。可惜未有親眼見過城巴色嘅Berkhof MAN。
來到屯門還有一個任務 – 就係去屯門市中心嘅天天曬相，為的是當時嶄新嘅富士激光沖印。當時我會儲起幾筒菲林，然後假日時一次過拎去屯門曬相，等候的過程就去坐九鐵B10M去龍鼓灘遊車河。後來，馬鞍山及大圍也有富士激光沖印，就不需要來到屯門去曬相了。2003年，轉用了數碼相機，從此就很少幫襯曬相舖，也很少再影巴士了。
下圖：今天，AMN已經退役，背景嘅裝嵌廠以至門前嘅平治私家車都不復再。曾經，我有擔心過，起左西鐵站之後，會否遮住裝嵌廠冇左正光位？怎料，時日如飛，裝嵌廠不再裝嵌新巴士，而自己也隨著興趣和人生嘅種種改變，很少去影巴士。相信這亦都係呢度唔少師兄嘅寫照。
下圖：2000年4月，AMN巴士終於投入服務，行走60X線。當時就算考緊會考Mock Exam，都一早去佐敦道碼頭坐首日航。記得當日都幾熱鬧，有幾十位同好專門來坐車同埋影相，相信呢度應該有不少師兄當日在場。當日，縱使新車表現未如理想，但基於對MAN巴士嘅熱愛，我都坐左4單60X。
下圖：兩款我很喜歡嘅德國巴士嘅合照。兩者都有相似嘅地方，例如同樣因使用恆星齒輪車軸，而產生響亮悅耳嘅行車聲；兩者嘅車窗、樓梯及座位佈局都有相似之處。我對這兩款“傳統德國巴士”，都很有深刻嘅感覺。
下圖：一直很喜歡傳統德國巴士這款vöv標準儀錶板，覺得美觀之餘也十分有代表性。坐平治巴士嘅導航位時，更加喜歡睇師傅用短暫停車制。感覺就像坐珍寶導航位時，睇師傅靈活操作算盤子般。
下圖：自AMN投入服務後，也成為我跟朋友們遊車河嘅一個熱門選擇。到後來自己也搬入屯門居住，也經常成為這批巴士嘅坐上客。坐AMN，當然不是為了追求如ME或者單層MAN那種速度感，但在好天氣時，一面坐在AMN的車廂欣賞屯門公路外的風景，一面享受AMN獨特嘅行車聲，對我來說是一件賞心樂事。
下圖：Berkhof車身AMN嘅吸引之處，就係擁有超闊嘅車窗，睇風景一流之餘，也令車廂十分光亮。
MAN在九巴車隊裡，屬於少數民族，維修上或許冇咁consistent。所以，或許是這個原因，相比其他“大路”車款，我覺得MAN比較有獨特個性，除了性能有差異 外，佢哋把聲每部都有啲唔同 – 有啲引擎聲較爲響亮，有啲車軸聲、波箱聲較爲明顯。恆星齒輪聲音介入時的時間也有分別，有些起步時已經可以聽到，有些在高轉時先才會介入。有些起步時嘅聲比較沉（例如2500），有的則比較“高音”。整體來說，MAN的行車聲音十分豐富、有層次感而不單調、很有原始機械操作嘅 感覺，十分有趣和引人入勝。
下圖：我很喜歡這款Fainsa Cosmic座椅，可能因為十分配合我嘅身形，所以每次都坐得很舒適。最初，我覺得Berkhof車身樣子十分古怪，但自從親身坐過B.MAN後，就開始欣賞Berkhof簡約實用嘅設計，沒有太多花巧和多餘嘅地方。其中一樣我十分欣賞嘅設計，就係向走廊照射嘅無間斷光管，令晚間嘅車廂十分柔和，對我來說是無可挑剔的。我認為巴士嘅光管應該照向走廊，而非照住座位嘅乘客，也很期待未來的巴士，會使用間接照明，以營造柔和、溫暖嘅車廂環境。
下圖：雖然中置樓梯或許未能盡用車廂空間，但我覺得以雙門單樓梯嘅12米雙層巴士嚟講，此設計對於乘客在車廂內嘅流動係最make sense的，可惜未能在其他巴士上普及。
講返AMN，我很喜歡Berkhof MAN以及AMN34/35這種車廂佈局，使下層車廂前半部採光十足，也善用輪拱上嘅空間安裝8張座位，實用之餘也別具特色。所以，我個人是喜歡Berkhof多於Volgren的。
下圖：相信對於巴士迷，坐AMN巴士，首選必定是車頭兩張導航位。MAN輪拱上嘅座位嘅可貴之處，就係唔需要乘客爬上幾級嘅樓梯就可以坐到，而且座位旁有既高且闊嘅車窗，縱使面壁也不至於看不到風景。隨住AMN逐漸淡出，越來越珍惜每次坐在這座位嘅機會。
下圖：今年1月，最後一次坐到AMN1，當日早上行259C前往尖沙咀。巴士到達尖沙咀尾站清客，留下了這個美麗的倩影。不知何故，跟幾部AMN特別有緣，AMN1係其中之一。
下圖：2018年，在屯門南廠不時見到已退役嘅AMN，回想起18年前，放學後特登去屯門裝嵌廠睇新車落地嘅佢哋，百般滋味在心頭。這些巴士彷彿代表著自己的童年，它們的退役也提醒自己要放眼未來，繼續向人生的下一階段先前進，縱使是如何的不情願。這些年來，在工作上學到一個道理 – “it is what it is”，雖然有點阿Q精神，但也要學會接受改變。
下圖：一眾十分喜歡的德國巴士，突然要在2018年提前再見，實在是始料不及。”It is what it is”，最重要是曾經擁有、曾經珍惜，到失去時無怨無悔，還賺了一個美好嘅回憶。
下圖：昨晚，收到AMN last day嘅消息，心想，這一天終於要來臨。很感恩，身在香港，也可以馬上抽空去坐farewell trip。在友愛南總站，AMN27準備開出最後的營運班次，昨晚也有十多位巴士迷專程來捧場。
下圖：AMN27緩緩地駛到荔景北總站，稍作休息，就私牌回屯門轉車站開出最後嘅員工接送班次，然後隨即退役。AMN最美一夜，就這樣劃上句號。
下圖：8年匆匆走過，很感恩，仍然能夠親歷一批又一批嘅巴士嘅一生。有時在想，18年是一個怎樣嘅概念呢？18年，足夠由初生嬰兒變為成人，又足夠從幼稚園入學直到大學畢業，感覺好像十分漫長，但實際上又似風般飛去。
最後，老土的講一句，”Good bye and thank you”。多謝你們成為香港巴士歷史嘅一部份，感謝你們為我留下一個又一個美好嘅童年回憶。
附上一條短片，讓大家可以再回味坐AMN的感覺。
全文完
