九巴於1973-74年間從英國購入為數共28部的二手AEC Regent V，車隊代號2A。該批巴士來自數間英國巴士公司，退役時車齡只是約9至14年，長度均為30呎1吋，配以AEC AV590引擎， 大部份成員均裝設同廠的同步嚙合式波箱。
巴士由英國運抵香港後，九巴在其車廠裡為它們作出不少的改動，除了較為容易留意到的車窗改動，將英國較為密封式的車窗改為適合香港的推拉式車窗外，為配合這批巴士將會行駛的道路(例如大埔道)及維修零件的考慮，九巴為這批二手巴士全數換上吉拿(Gardner) 6LW或馬力更大的6LX引擎，然後才投入服務。
下圖: 已完成改裝的2A11投入服務，行走來往佐敦至上水的70號線。由於吉拿引擎較原裝的AEC引擎較長，故此需要將其車咀稍為拉長。(Mike Davis攝)
行駛數年後，由於原來的車身已使用多年，九巴決定為它們陸續進行車身更換工程，整個車身均由九巴自行製造，款式則參考丹拿巴士(Daimler)裝配的Metal Sections車身的設計。 絕大部份2A於1981至83年初退役。
下圖: 已完成更換車身的2A10，正停泊於佐敦道碼頭，等候行走往沙田的71號線。(Cliff Essex Collection)
九十年代初，友人大暉有天乘坐64K往元朗時，偶然留意到在元崗村附近停泊於一部Metal Sections車身的舊巴士，下車走近一看，原來是九巴一部前置引擎退役巴士。他向場內職員詢問可否走上車參觀，那位大叔一口應允，還說這部車只剩下車殼，沒有車輪，有甚好看，同時提及旁邊另一個放滿黃色鐵架的場地裡也有部巴士停泊，但大暉找來找去也不到，可說是尋找此車的小插曲。
下圖: 從車門登車，看到下層被用作零件倉，放滿各種零件，唯有放棄拍攝，向上層進發。
下圖：走到上層，此車的真正身份終於揭開–原來是前九巴二手AEC 2A18 (車牌BD5125)。此車於1973年5月加入九巴，1978年2月重建車身，最後於1981年9月退役，估計是退役後被此場地的東主購入作零件倉，與另一部九巴退役巴士D219的情況相似。
下圖: 除了放置一批輪胎及零件外，還發現風扇及帆布床，看來是工人或看更的休息地方。
大暉發現此車時64K仍在使用亞比安單層巴士行走，後來當64K改為以雙層巴士行走時後，大暉特意坐在上層再看看此車是否仍在，可惜已經消失，當時約為1992年，估計此車已經被拆掉。
參考資料: HK Buses Vol. 2
後記：在搬遷到新網站時留意到以下的討論，決定一併保留下來。
| 回應區: | |
| 2013-4-10 22:12:00 | b |
| 當年長龍用6LX果陣已經轉用丹拿波箱，我唸GUY本身既電波配6LW就得，大馬力少少應該受唔住。所以LW轉LX，全部都要抬波箱。紅番頭四型…同uf個波棍位應該有少少唔同…紅四個位置係司機窗口下面，有少少似法拉利果隻打波子位，因為我無記錯既話pre-selector同Watson type應該係唔同…至於uf就應該係同紅頭果款類同…
事實上，6LW本身馬力唔強，可以想像到滿載上斜，假如唔夠力果陣，二波轉一波，就算宜家既大車最穩陣都要一腳極力子，呼油入波再踩多腳極力子，非同步既話如果時間夾唔準，彈腳溜後就好大件事。斜路起步就仲大鑊，要死幾多次火先起到步呢？ 至於centrifugal clutch…我無理解錯誤的話，最常見既應該會係響利蘭波箱，除一波起步之外，其餘都同你所講既差唔多。反而打波子式就直接了當，反應亦比較快。其實氣動輔助係大多數巴士半自動波箱必備設計，照理就應該無唔行氣動輔助，只係大家都唔太認識AEC果款軑波，未知佢既設計係點。 |
|
| 2013-4-9 23:07:42 | HB00610 |
| 我諗我指的係半自動波箱。
____________________________________ 我記得睇過某本雞車的書 睇見LV138轉波個台係用珍寶打波子的, 不過應該係半自動波後的事了, 因為加多句係架車的自動減速功能已經取消之類。 |
|
| 2013-4-9 17:28:58 | |
| 其實你講嘅「電波」係邊隻先…
「液壓飛輪」應該係丹拿研發，後來Guy都有用，仲有一段長時間係London Transport嘅標準配置。基本上先選式同半自動都會用「液壓飛輪」(fluid flywheel)，有時就會另加centrifugal clutch(據我理解，應該係行得愈快，個clutch就咬得愈緊，模擬手波起步慢慢鬆clutch)。 而「氣動輔助」(electro-pneumatic)就應該好多半自動都有用，包括AEC、Daimatic同Self-Changing Gears嘅波箱，我反而想知邊款半自動冇用氣壓。 另問：LV138個GB350(仲係全自動時)係唔係用BR/TC嗰款控制台？ |
|
| 2013-4-9 16:54:02 | HB00610 |
| 記憶中「液壓飛輪」呢家野, 在先選式波箱已經存在緊。 氣動之類的野, 就似係AEC自家野。電波的門檻少就真, 幾乎間間有做巴士的廠都有自家電波, 利蘭, 丹拿, 紅番頭(後來中巴就係因為紅番頭波箱夾唔到吉偈, 要換gb340/丹拿波箱), AEC, Dennis就似係買人的。在70年代來講, 佢嗰種電腦已經好先進, 而家睇就當然係小學雞玩意啦~ _________________________________________________講起先選式, 中記70年代買左批二手紅番頭四型(17架MW同埋LW112-121), 呢批車原本係用constant-mesh棍仔的結果MW出街時, 玩死哂班師傅, 最尾又死死氣咁, 在舊的在四型/UF度拆番副先選式棍仔俾呢批車用…。 |
|
| 2013-4-8 14:33:17 | b |
| 請見諒！原本我曾經保留過一張英國原裝半自動波箱既loline3，可惜早前電腦大修現已遺失…而陳生果張我都曾經見過，所以令我有點迷惑，到底中巴果架到底係電波還是其他？如果佢有原廠既話咁呢款到底又係乜野牌子既波箱？
swift、仲有好些AEC產品都有用過，書譯「液壓飛輪」式半自動 / 全自動。聽講好似係有氣動輔助，同電波原理就有D唔同但操作則類似。不過我唸都唔算太好用，始終都無電波簡單、多件同易整。 我唸，英國既全自動波箱產品之所以變成最後被VOITH同ZF取代，始終係因為思維走唔甩果種（SELF CHANGING）果套。加上最後利蘭執笠，所以響巴士波箱既發展上，同英國既汽車工業一樣正式沒落。不過響英國，SELF CHANGING呢種思維到今日仲好WORK，司機們仍喜歡駕駛GB350年代既巴士。打波子年代所附帶既自動轉波功能，只係用一塊同集成電路咁上下既所謂「電腦」（其實係電路版之類）去控制的確兒戲，至少同德國產品比，德國產品既可靠又順暢，但直至利蘭開發到附帶減速器既GB350之後，行車效果係有改進，最少我曾經坐過都並唔覺得佢好CHOK，或者係香港既行車環境係比較適合行D先進少少既VOITH產品。 不過，利蘭波箱的確有D功能係VOITH同ZF都取代唔到既，就係比司機有更多既選檔主動權，按掣轉波始終係佢地心目中係被動。 |
|
| 2013-3-31 18:08:39 | HB00610 |
| 我見後來SWIFT個CAB相, 個半自動都係丹拿/利蘭式的打波子機多。
九記210架AEC大水牛, 都係用呢種波子機。 陳生本巴士適別手冊古老篇有張loline的底盤相 波子機除左英國車外, VOLVO, SCANIA同Renault巴士都有出現過。 反而RM嗰種裝落軑盤的, 就真係在RM/RT以外比較少見到。 而我自己都google過loline的cab相, 淨係搵到一張清的相, 而呢張相, 係來自一架行棍波的車, 有極力子的…。
呢張似乎都係棍仔車, 而且係5前速, 入波排位同傳統的一樣。
Dennis當年在英國都根本唔入流, LOLINE成個設計都係買人的…。 GB350的自動, 係chok到嘔血, 又易壞 所以, 幾乎所有買家買二手DMS第一樣做的, 都係拆左個電腦算 九記批DMS初來時, 係跟足LT的全自動, 結果當年九記批DMS就因為咁而奶哂野。 |
|
| 2013-3-31 11:09:13 | |
| 我要更正一下：我所指既大部份單層巴士應該係講緊利蘭既產品。當然，統稱「電波」當年亦好流行，講緊既係直至七十年代Alisa、vr、甚至見過歐州果邊既scania拖頭貨車都有部份選用。不過講漏左仲有一隻係AEC半自動 / 全自動波箱，不過我唸只會響routemaster、swift之類自家牌子有。
至於果隻loline，上過google睇過英國d相，半自動個樣同棍波差唔多，只係無極力子，同多塊牌提示司機反方向轉波（應該係巴士公司自加），其實咁樣反其道而行既設計，證明當年loline響英國唔太流行係有d原因。 去到中後期GB350全自動，LF同SF、LV138又有用，九記果邊都有D四方寶用，直至BR、TC果隻應該再先進D，不過我見英國果邊D司機始終都係鐘意玩半自動果種轉波法，其實我都覺得渣車半自動手感會好一D。 |
|
| 2013-3-28 17:22:42 | HB00610 |
| 當年中記有28部PD5/3(即係PD501-528)。
同埋同樣半自動波, 中記部中華之寶-Dennis Loline III, 佢個半自動波的入波方式係同之後批紅番係左右相反的。 同埋當年紅番套半自動波箱都好多間廠, 有GUY, 又有Daimatic, 又Leyland甚至SCG340同SCG350都有。 同埋去到BR/TC呢代, 都係半自動波+轉波電腦。 其實轉數夾到的話, 係的確唔駛用極力子轉波的, 不過長遠會傷波箱零件咁解。 離題講多少少棍仔的事: 其實棍仔的優點係兩樣, 慳油同維修簡單。 |
|
| 2013-3-28 11:17:08 | |
| 我公公個時岩岩日治完的時候渣d雙腳極力車上柴灣道渣到佢冷汗直標,架車首先唔夠力,要二波轉一波,點知因為要踏雙腳極力轉唔切波成架車溜後左幾十米,要超大腳brake先停得番架車再開車,或者有時一波都唔夠力溜後又係嚇死我公公,幾個月後我公公頂唔順過左九巴做 | |
| 2013-3-28 2:28:05 | ying kai |
| 其實果D有特異功能嘅亞比安司機，係係轉波同踩極力子既超短時間即刻入波，就唔洗踩極力子啦。 但後果係好快會整壞個波箱。 |
|
| 2013-3-27 16:27:40 | |
| 其實中記都有d半自動PD，PD5XX果十部就係。佢用果種係利蘭自家既半自動波箱，佢既設置同「電波」好唔同，支波棍同個台比較大，轉波個操作用D特別，同比較慢，唔及打波子靈活。亞特蘭大、以及果個年代生產既大部份單層巴士基本都有用。而後繼既有減速器版本就係BR果隻…想找資料既話YOUTUBE有得睇。
在此又淺談下亞比安既波箱，同樣係非同步齒合波箱，但據一D資深，又曾經響九巴工作過既前輩朋友不下講過數次，可能係比班司機操出 不過，果個年代渣巴士確實係唔容易，對岸既2號就係有好一段時間行PD，停站多既流水線，工作環境可想而知，司機都只可以頂硬上… 結論一下，棍波比自動波慳油！再講非同步齒合呢家野其實好易整，零件又簡單，而且好好地用既話波箱D牙好耐用，用二十年唔換都得！ |
|
| 2013-3-8 17:12:53 | HB00610 |
| 非同步棍仔衰在踩極力子踩到傻囉, 因為每次轉波都要踩兩腳, 同步就一腳就轉得。
如果跑公路都還好, 如果而家俾架咁的車你行一轉2號仔, 唔駛一個單你對腳已經唔駛郁。 不過, 在香港考棍仔車時, 你係要識用兩腳極力子的。 點解英國去到好後期都有, 我諗會係兩個可能: 1. 貪舊款設計的可靠同成熟 同埋半自動波係英國地方係好成熟, 香港/新加坡用落都無大問題。 不過在D唔係用開英國車的地方, 其實係玩緊人地, 因為零件供應問題。 例如去馬耳他的二手AEC Swift, 最尾唔少都係換番棍仔 BTW: |
|
| 2013-3-8 12:39:06 | |
| 英國的巴士在九十年代都仲有非同步吻合波箱,其實非同步吻合波箱完全唔見得好用,而半自動波箱於六、七十年代已經發展得相當成熟,英國方面這個決定是否有其他原因?有冇高人解答? | |
| 2013-3-7 14:09:41 | HB00610 |
| 九巴入的PD全部都係半自動波箱的3/5, 而且我無記錯的話, 全部AEC無論一二手, 都係用半自動波。
PD3/4用的波箱係難玩到爆的constant-mesh棍仔(同期九巴亞比安同Seddon用緊) 而二手PD3/4在香港的最大用戶係中巴, 當年買左無100都有80架。 當年九巴買埋二手英國車, 真係用棍仔的係得係3架CCG6(無錯, 係CCG6), 第三個C係constant-mesh 波箱咁解. 呢3架車就係2D1-2D3 記憶中, 後來2D1係換殼, 6LX同埋半自動波的。 順帶一提, 當年九記一手的丹拿係CVG5/6, 用的波箱唔係Wilson的Preselector棍仔, 就係打波子式的半自動, , 同呢3架車的騎呢棍仔完全唔同。 |
|
| 2012-12-6 23:33:03 | 網主 |
| 根據Mike Davis的HK Buses Vol.2中提及，九巴購入的2A來自英國幾間巴士公司，裝上的車身分別有:
Northern Countries (1,4,5,28) |
|
| 2012-12-6 22:36:07 | B |
| 2A同2L（即TITAN PD3/4）都係PARK ROYAL車身，SOUTHDOWN既都有，只係九巴響改裝車身既工程上面，做得比較徹底。同期都有2D（即CVG5），改裝之後仲有四四方方既雙門版，怪雞過對岸中巴既印度之寶。
值得一提既係，呢批車響英國係走長途跨巿既客車服務，有D據講係有廁所廚房設備。 |
|
| 2012-11-28 21:44:58 | Turtle |
| 小弟有次坐51時經過上文提到那個放黃色鐵架的場地，望入去真係有架巴士喺度，不過係擺在最入的位置，當時大約係1999-2000年間。 | |
| 2012-11-28 21:07:21 | |
| 那部在放滿黃色鐵架的場的巴士是一部2D,但不清楚是那部2D,但比那部2A完整很多,仲有個偈係度(雖然生哂瘦) | |
| 2012-11-28 20:33:19 | bobby |
| 請問翻裝九巴車身前，2A配邊間廠車身
謝謝 |
|
| 2012-11-28 4:55:07 | K.K. |
| 希望網主有機會能夠介紹一下同期的二手丹拿(2D)CVG6 及其相片，謝謝！ | |
