不少巴士迷都知道中巴/新巴LV36 (CH9399)於退役後被運往蘇格蘭Scottish Vintage Bus Museum (SVBM)收藏,成為其中一件展品,並間中於博物館開放日期間展出及作為接駁巴士之用。(上圖由Peter Barclay攝於2012年的博物館活動)

LV36_Peter_Barclay

2001年

下圖: 攝於約2001年,LV36與仍屬SVBM展品之一的SF31一起參加該博物館的活動。(子賢及Po攝)

SF31_LV36_TSZYIN

2007年

下圖: 由Jacky攝於2007年的相片,LV36停泊於有蓋的室內博物館,場內空間有限,可拍攝的角度不多。司機位那熊貓很有趣呢。(G544Jacky攝)

LV36_C_g544jacky LV36_G_g544jackyLV36_D_g544jacky LV36_B_g544jacky LV36_g544jacky LV36_F_g544jackyLV36_E_g544jacky

2009年

下圖: 攝於2009年8月16日的SVBM開放日活動,LV36於當日行走接駁車站至場館的路線,健康情況及表現均屬良好。(Alan.hk攝)

ADSC_7155 ADSC_7627 ADSC_7163 ADSC_7165 ADSC_7169 ADSC_7162 ADSC_7176

2012年

下圖: 2012年SVBM的活動中,LV36擔當場地裡的觀光巴士,狀態極佳。(Peter Barclay攝)

LV36_trip_Peter_Barclay LV36_D_Peter_Barclay LV36_F_peter_barclay

2013年

下圖: 2013年,LV36再次擔任博物館活動的接駁巴士,相信坐著勝利二型於蘇格蘭市內行走,感受定必非常特別。(Albert攝)

LV36_albert LV36_Albert2

下圖: 由littleangelgg於2013年SVBM活動中拍攝的片段,LV36的引擎聲音聽起來仍然非常健康,那位熊貓司機有趣地霸佔著那獨特的單丁座位。

2014年

KS Chow曾於2014年5月到訪,拍攝了它於場外飛馳的片段:

2015年

一段由Ka Ho Ng拍攝的片段,從不同角度拍攝到LV36的風采,當然少不了車門聽引擎聲的片段。以下是他分享這片段時的感受回憶:

「在2015年能夠再次攀上勝利二型的車廂,再次聽到那雄厚的引擎聲,實在十分感恩。事隔十多年,坐在勝利二型內,好像坐上時光機般,望著車廂內移動的光與影,往事一幕一幕的浮現,心裏有一陣子的感動。

雖然只在博物館場內行走,而LV36的狀態亦未算完美,引擎聲不夠以前的清脆響亮,但總算達成了這趟旅程的目的。LV36也基本上服務了一整天,馬不停蹄地穿梭往來場館內的不同地方,只是中間稍作休息了兩次。當它行走的時候,無論在場館的不同地方,都可以聽到它響亮的引擎聲和獨特的煞車聲音。

十分難得,在遙遠的蘇格蘭,能夠碰上兩位來自香港的同好,亦同時遇上LV36及SF31兩位老朋友。

特別製作了這段影片,讓大家在何時何地,都可以回味乘坐勝利二型的滋味,希望能夠喚起大家往日的美好回憶吧。」

下圖:2015年超現實情景:在蘇格蘭的土地上,乘客從九巴64K車站,魚貫地登上中巴勝利二型…(Ka Ho Ng攝)

Edwin提及據他所知博物館都想牌箱搞 64K 出來, 不過中巴牌布無 K 字, 唯有就 64 / 64A,而Kevin Ho則指出上、落字是新巴的款式。

lv36-ka-ho-ng

下圖:從Philip Chan於2015年8月到訪時見到的宣傳海報看到,LV36在4部具代表性的收藏車中佔一席位呢。

Philip跟大家分享LV36飛馳山路及影片在博物館裡埋站的影片:

另一段由Chester Cheng拍攝的影片,紀錄LV36行走往火車站循環線:

Johnny Ng的一些分享,司機看來很愉快呢,車上還有導賞員,一身制服令我想起站長及稽查:

2016年

2016年8月Simon Kwok到訪SVBM,相片中的LV36車軨已從原來的銀色翻髹為藍色:

2017年

分享Anson Li於2017年6月到訪的經歷:「‎喺去之前幾日同博物館職員溝通過,佢話由於當日係truck event,所以唔會所有車庫都開放參觀,亦唔sure LV36會唔會拎出黎做shuttle,咁我就懷著冇期望冇失望既心態坐火車去Dunfermline。

去到巴士站,見到同我聯絡個位staff,佢同我講話佢會為我安排架LV36行一轉shuttle。到左之後係場度行左一陣,就有職員approach我話帶我去LV36度, 一行到車庫口就聽到熟悉既雞車聲,原來係一班職員安排緊架LV36駛出黎,而我亦急不及待跳上車享受一轉shuttle,再次感受雞車澎湃既偈聲!

返到SVBM之後,佢地就將部車泊埋一邊任我玩,令我有機會可以不斷玩牌同埋影相。兩個鐘後,由於天雨博物館提早關閉,佢地將LV36泊返車庫時亦特意泊近SF31等我可以為兩車合照。有職員透露而家有三個潛在買家對SF31有興趣,其中一個係香港人。

由於提早左閉館,跟埋部車泊返入庫後已經冇shuttle出返bus station,其中一個staff好好人地車左我同女友直去火車站,令我可以趕及一個鐘一班既火車返到愛丁堡,再去機場上機返倫敦。

今次visit除左可以睇到LV36同SF31兩架老朋友外,亦令我感受到SVBM staff既hospitality同埋佢地既通力協助,先可以令到短短三個鐘既visit變得更加圓滿。Thanks SVBM, I will be back😀」

(網主註:LV36上的是黃廠牌布,所以主要是南區站名,沒有石澳及筲箕灣等東區站名)

Pablo Hon也於2017年6月探訪LV36:

Gordon Lee分享於2017年9月到訪的相片,藍色很搶眼呢:

2018年

2018年5月,Kin-Yat Lo到訪SVBM,感動之餘亦有些特別回憶:「為咗搭轉雞車可以去到幾盡?小弟遠遠由澳洲雪梨飛到蘇格蘭,只為了參加SVBM嘅五月開放日(當然之後繼續喺歐洲玩)。當日十分熱鬧,有數十部巴士參加活動,不少開出載客,博物館的總站繁忙程度絕對比得上香港的巴士總站。參加人數更多到巴士經常滿載!

當日LV36開了兩轉,梗係搭哂,第一轉係穿梭班次到市鎮巴士總站(車程約15分鐘),下午則在鄉村公路遊河(約45分鐘)並有時間在小鎮巴士站停車拍照。在高低不平的鄉郊公路行走,不望車外真係以為時光倒數三十年走在新界的公路上,外面見到一群群牛羊先知道不在香港。

本地巴士迷雖然對雞車有點陌生,但看來對由蘇格蘭出國再回流的巴士感到驕傲,有幾位阿伯對我大贊阿歷山大車身手工好,夠襟用,亦覺得香港巴迷好有心,咁遠水路來到為咗睇佢,令到LV36成為博物館最受歡迎嘅收藏品之一。(我相信平日比較冷清,所以香港巴迷比較突出)

值得一提的是博物館有位港人義工,他是老華僑,夫婦在附近市鎮開唐餐館,本身對巴士毫無興趣,沒有機械認識,亦對LV無記憶(LV全盛時期應該已移居蘇格蘭),但土生土長的兒子則熱愛巴士,所以加入博物館,俾小朋友多啲機會接觸巴士(他拉住父母坐足成日唔肯走)。在蘇格蘭鄉下地方華人遊客不多,更何況係香港人,有機會用母語交談實在難得,所以我哋互相分享在外地生活的經歷,他亦帶我遊覽他定居的市鎮。」

分享在2018年搭中巴的片段。攝於蘇格蘭巴士博物館五月開放日,當日坐LV36遊河去鄰近鄉村,坐住雞車在公路上飛馳,真係童年回憶返哂嚟。

2019年

2019年4月,數位香港巴士迷特意前往SVBM,為LV36進行一些維修之餘,更為它換上一些中巴時代的車廂標貼,令整部車更完整地回復到中巴時代的模樣。

團隊成員提醒,雖然總站牌和路線牌仍可被攪到,但為了維持一致嘅外觀同禮貌,請不要私自攪牌,免得影響香港巴士愛好者聲譽 – 愛惜古董人人有責。布牌地點名次序如下:

中環
香港仔
利東邨
西環
銅鑼灣
西營盤
中環(林士街)
蒲飛路
跑馬地
黃竹坑新邨
田灣
深水灣
淺水灣
中環
海洋公園
羅便臣道
華富邨
赤柱
灣仔碼頭
銅鑼灣
荷蘭街
中環
石排灣
金鐘站
鴨脷洲新邨
置富花園
柴灣
北角
華富邨
中環(港澳碼頭)
私家車
啟業
香港仔
華富邨
沙田
坪石
鴨脷洲新邨

Jeremy Cho於2019年5月到訪後的分享:「上禮拜日係 Scottish Vintage Bus Museum 嘅開放日,把心一橫去見識見識呢款可以話係專為香港而設計嘅利蘭勝利二型。對於九十後嘅我來講, 見到真車果吓可以用震撼嚟形容…真係要多謝博物館將部車keep 得咁靚仔, 當然亦唔少得早排特登去幫佢錦上添花嘅幾位師兄。

當日LV36 嘅行車表現唔錯,雖然傳動軸偶有金屬碰撞聲傳出, 波箱轉波亦有啲chok,不過引擎非常精神,整體行車表現一流,爬上博物館嘅小斜波可以話係易如反掌。拍片時機都揸唔穩嘅我亦深深體會「雞車」並非浪得虛名~ 遺憾據當日嘅師傅所講,,LV36 因為牌照問題而暫時唔可以出博物館外載客,所以只能夠喺館內範圍龜速兜圈做internal site bus service。唔講咁多, 附上當日相片同行車片段,冇乜技術成份請多多包涵~」

Amano Satoshi分享關於金屬碰撞聲的問題:「曾訓入去檢查過,我都認為係直霎啤呤響。不論雞或鴨,引擎出黎同波箱之間第一支直霎,係臨過萬向接頭之前會有個啤呤套扣住,用以固定直霎位置,如果啤呤虛位大,管唔死支霎就會導致有敲擊聲發出,理論上更換新啤呤就可以解決。」

RS Jeff也於2019年8月到訪過SVBM:「LV36 保養得好好,而SF31就做緊翻新工程。個英國收藏家見我影相,知道我香港人,仲即刻開門比我入去影相,超興奮!個中巴紀念品展覽都好正,兒時回憶番曬嚟」


最後回顧由大暉、Andrew Sung及Ka Ho Kung拍攝的幾張LV36在中巴及新巴時代的相片:

lv36-bigfai-lai-2lv36-25m-ka-ho-kunglv36-andrew-sunglv36-bigfai-lailv36-ka-ho-kung

本頁建立日期: 2013年10月31日
最近更新:2020年6月9日

全文完

後記:若果看完影片後意尤未盡的話,可以看看這段由garykiet上載的LV行走9號線影片: